Ársfundur Austurbrúar fór fram í blíðskaparveðri á Breiðdalsvík í gær, fimmtudaginn 23. maí 2024.
Fyrir fundinum lágu hefðbundin aðalfundarstörf, s.s. afgreiðsla ársreikninga, kynning fjárhagsáætlunar og skýrsla stjórnar.
Á fundinum var kosin ný stjórn sem sjá má á meðfylgjandi mynd. Hana skipa (f.v.): Lárus Heiðarsson (varamaður Jóhanns F. Þórhallssonar) af vettvangi sveitarstjórnarmála, Díana Mjöll Sveinsdóttir af vettvangi atvinnulífs, Stefán Þór Eysteinsson af vettvangi sveitarstjórnarmála, Aðalbjörg Ósk Sigmundsdóttir (varamaður Axels Arnar Sveinbjörnssonar) af vettvangi sveitarstjórnarmála, Þuríður Lillý Sigurðardóttir af vettvangi sveitarstjórnarmála, Berglind Harpa Svavarsdóttir af vettvangi sveitarstjórnarmála, Eyþór Stefánsson af vettvangi sveitarstjórnarmála og Dagmar Ýr Stefánsdóttir (framkvæmdastjóri Austurbrúar). Á myndina vantar Sæunni Stefánsdóttur.
Skipað var í fleiri nefndir á fundinnum:
Starfsháttanefnd: Sigríður Bragadóttir, fyrrverandi oddviti Vopnafjarðarhrepps; Skúli Björn Gunnarsson, forstöðumaður Gunnarsstofnunar í Fljótsdal og Gunnar Jónsson, bæjarritari í Fjarðabyggð.
Fagráð: Fræðslumál, háskóli og rannsóknir: Sæunn Stefánsdóttir, formaður; ferðaþjónusta: Díana Mjöll Sveinsdóttir, varaformaður; atvinnu- og nýsköpunarmál: Sindri Sigurðsson, menning: Hlín Pétursdóttir Behrens og fræðslumál, vinnumarkaður: Hjördís Þóra Sigursteinsdóttir.
Siðanefnd: Bjarni G. Björgvinsson lögfræðingur, búsettur á Egilsstöðum; Þórður Vilberg Guðmundsson sagnfræðingur, búsettur á Reyðarfirði og Þuríður Björg Wiium Árnadóttir guðfræðingur, búsett í Vopnafirði.
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn