Samfélagssjóður Fljótsdals opnar fyrir umsóknir
Á morgun, 21. janúar, verður opnað fyrir umsóknir í Samfélagssjóð Fljótsdals í annað sinn frá stofnun. Að því tilefni er boðað til fundar í Végarði kl. 16 þann dag.
Vegna samkomutakmarkana er mikilvægt að fólk skrái sig á fundinn fyrir kl. 10 á morgun á netfangið asdishelga (hja) fljotsdalur.is eða í síma 470 3810/899 6172.
Minnt er á að aðeins er leyfilegt fyrir 20 manns að koma saman og viðhafa þarf sóttvarnir þ.e. sótthreinsa hendur, og bera grímu þegar ekki er hægt að tryggja 2 metra bil. Ef fjöldi skráðra fer yfir 20 verður mögulega breytt um fyrirkomulag.
Dagskrá:
- Signý Ormarsdóttir, formaður Samfélagssjóðs Fljótsdals fer yfir úthlutunar- og matsreglur sjóðsins.
- Ásdís Helga Bjarnadóttir, verkefnastjóri sjóðsins fer yfir umsóknareyðublað og áherslur ársins 2021.
- Ann-Marie Schultz frá Sauðagull kynnir fyrirtækið og hvernig styrkir hafa haft áhrif á uppbyggingu fyrirtækisins.
Sjáumst á morgun og munið að skrá ykkur fyrirfram!
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
