Ferðamálasamtök Austurlands hafa fengið styrk úr Vaxtarsamningi Austurlands og standa, í samráði við Austurbrú, fyrir vinnustofu fyrir þá sem hyggjast taka upp Vakann.  Vinnustofan er ókeypis og  verður haldin 17. og 24. mars og 14. apríl. 

Markmið Vakans er að efla gæði, öryggi og umhverfisvitund í ferðaþjónustu með handleiðslu og stuðningi, ásamt því að byggja upp samfélagslega vitund.  Vakinn er fyrst og fremst verkfæri til að aðstoða þátttakendur við að auka gæði og öryggi.  Ávinningur af upptöku gæðakerfis er margþættur og snýr m.a. að rekstri, öryggismálum og velferð gesta og starfsmanna.  Vakinn gefur samkeppnisforskot og opnar ný markaðstækifæri bæði innan lands og utan, þar sem kynning á fyrirtækjum sem hafa tekið upp Vakann er umtalsverð.

Nánari upplýsingar um Vakann og vinnustofuna veitir Bergþóra Arnórsdóttir í síma 470–3804 eða [email protected]