Búist við betri afkomu árið 2015
Rekstrartekjur Austurbrúar árið 2014 voru 346 milljónir króna en rekstrartap ársins 54 milljónir króna og neikvætt eigið fé í árslok 85 milljónir króna. Þetta kemur fram í ársreikningi Austurbrúar sem kynntur var á ársfundi Austurbrúar sem haldinn var á Eskifirði í gær.
Rekstrartekjur Austurbrúar árið 2014 voru 346 milljónir króna en rekstrartap ársins 54 milljónir króna og neikvætt eigið fé í árslok 85 milljónir króna. Þetta kemur fram í ársreikningi Austurbrúar sem kynntur var á ársfundi Austurbrúar sem haldinn var á Eskifirði í gær.
Niðurstaða ársreiknings er í takt við væntingar forsvarsmanna stofnunarinnar segir Jóna Árný Þórðardóttir, framkvæmdastjóri Austurbrúar. „Í desember var leitað eftir samþykki stofnaðila á tillögu stjórnar Austurbrúar um varanlega lausn á fjárhagsvanda stofnunarinnar. Vandinn var ekki nýtilkominn heldur uppsafnaður frá stofnun Austurbrúar,“ segir hún. Tillaga stjórnar gekk m.a. út á að stærstu stofn- og hagsmunaaðilar legðu Austurbrú til fé svo greiða mætti niður skuldir hennar. Auk þess voru lagðar til hagræðingaraðgerðir sem unnið hefur verið eftir á þessu ári og kynnti Jóna Árný á fundinum þriggja mánaða innanhúsuppgjör sem bendir til þess að Austurbrú sé að nálgast jafnvægi í rekstri eftir mikinn halla á árinu 2014.
Á fundinum var mynduð ný stjórn Austurbrúar en Jón Björn Hákonarson, sem gengt hefur formennsku stjórnar, gaf ekki kost á sér til áframhaldandi stjórnarsetu. Í henni sitja nú: Adolf Guðmundsson (varamaður), Berglind Häsler (ritari), Gauti Jóhannesson (varamaður), Gunnar Jónsson (formaður), Karl Lauritzson, Sigrún Blöndal, Sigrún Birna Björnsdóttir, Sveinn Jónsson og Sæunn Stefánsdóttir (varaformaður).
Fráfarandi stjórnarformaður sagði ávarpi sínu að í ljósi sögunnar þyrfti að kanna til hlýtar hvort sjálfseignaformið hentaði Austurbrú en í ljósi sögu stofnunarinnar þyrfti að auka eigendaábyrgð meira en núverandi rekstrarform gefur færi á. Hann lagði fram tillögu þess efnis að rekstrarform Austurbrúar yrði endurskoðað og var hún samþykkt. Niðurstaða þeirrar endurskoðunar verður kynnt á framhaldsársfundi sem boðað verður til seinna í haust og breytingar taki þá gildi um næstu áramót ef af verður.
Nánari upplýsingar veitir Jóna Árný Þórðardóttir ([email protected]), framkvæmdastjóri Austurbrúar, í síma 869 9373.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
