Bjarni Kr. Grímsson hefur verið ráðinn til Austurbrúar. Hann muna sinna verkefninu „Brothættar byggðir“ og vera með starfsaðstöðu á Breiðdalsvík.

Bjarni er fæddur árið 1955 og er Ólafsfirðingur að ætt og uppruna, en hefur búið í Reykjavík síðustu tvo áratugina. Hann er viðskiptafræðingur að mennt en auk þess er hann með diplóma í heilsuhagfræði og hefur verið í meistaranámi í mannauðsstjórnun við Háskóla Íslands. Bjarni hefur komið víða við á starfsferlinum. Hann hefur m.a. unnið á fasteignasviði Biskupsstofu, hjá Fjársýslu ríkisins og verið deildarstjóri launadeildar hjá Landspítala háskólasjúkrahúsi þá hefur hann gengt starfi fiskimálastjóra hjá Fiskifélags Íslands og sinnti þar m.a. ritstjórn Ægis. Auk þess sem hann hefur verið bæjarstjóri á Ólafsfirði og kaupfélagsstjóri á Þingeyri við Dýrafjörð. Hann hefur gengt ýmsum trúnaðarstörfum og má þar nefna setu í stjórnum Hafrannsóknarstofnunar, Rannsóknarstofu fiskiðnaðarins og Bjargráðasjóðs auk margvíslegrar nefndarsetu m.a.  í kjara- og launanefnd LSH svo eitthvað sé nefnt.

Hann er giftur Brynju V. Eggertsdóttur og á þrjá uppkomna syni. Bjarni hóf störf hjá Austurbrú í byrjun júní og verður með starfsaðstöðu á Breiðdalsvík sem er, enn sem komið er, eina sveitarfélagið á Austurlandi sem tekur þátt í verkefninu. Verkefnið Brothættar byggðir á Austurlandi er til þriggja ára og fjármagnað af Byggðastofnun og megin tilgangur þess er að efla byggð og mannlíf í þeim byggðarkjörnum fjórðungsins sem eiga undir högg að sækja.