Vegagerðin gefur út reglur um vinnusvæðamerkingar í samræmi við ákvæði í reglugerð 492/2009. 

Í reglunum er kveðið á um, að verkkaupum, verktökum, eftirlitsmönnum, ráðgjöfum í hönnun og öðrum, sem á einn eða annan hátt koma að undirbúningi eða framkvæmd vega- og gatnagerðarmannvirkja, sé skylt að sýna fram á að þeir hafi sótt, með fullnægjandi árangri, námskeið um merkingu vinnusvæða. 

Á námskeiðinu verður farið yfir eftirfarandi efnisþætti:
-Lög og reglugerðir, flokkun vega og gatna, umferðarmerki, flokkun og tegundir, umferðarstjórn. 
-Vinnusvæðið, umgengnisreglur, framkvæmd, ábyrgð og eftirlit. 
-Rammareglur um merkingar vinnusvæðis/framkvæmdasvæðis. 
-Varnar- og merkingarbúnaður, ljósabúnaður, merkjavagnar, vinnutæki og öryggisbúnaður. 
-Lagnavinna o.fl., leyfisskyldar framkvæmdir á vegsvæðum. 
-Vinnusvæðamerkingar á tveggja til sex akreina vegum og við staðbundna/hreyfanlega vinnu. 
-Magntaka, kostnaðaráætlanir, gæðaúttektir og févíti.

Námið er réttindanám og lýkur námskeiðinu með prófi til réttinda. 

Námskeiðið verður haldið í starfsstöð Austurbrúar, Fróðleiksmolanum, Búðareyri 1, Reyðarfirði mánudag 22. febrúar kl. 9:30 – 17:30 og þriðjudag 23. febrúar kl. 8:30 – 16:30

Leiðbeinandi verður Björn Ólafsson, ráðgjafi hjá Vegagerðinni

Verð er 79.000 krónur. Innifalin eru námskeiðsgögn, morgunkaffi, hádegismatur og síðdegiskaffi.