Getur mitt fyrirtæki fengið styrk?

Opinn kynningarfundur um styrki verður haldinn þriðjudaginn 26. apríl frá kl. 13:00 – 16:00 í Fróðleiksmolanum á Reyðarfirði.

Kl. 13:00 Kynning á Tækniþróunarsjóði og skattafrádrætti vegna rannsókna- og þróunarverkefna. Lýður Skúli Erlendsson, sérfræðingur hjá Rannís verður með kynningu á styrkjum í umsjá Rannís til þróunarverkefna sem miða að nýsköpun í íslensku atvinnulífi. Einnig mun hann fara yfir umhverfi skattafrádráttar vegna rannsókna- og þróunarverkefna en það er opið öllum fyrirtækjum sem eru eigendur rannsókna og þróunarverkefna.

14:00 Kynning á sjóðum hjá Nýsköpunarmiðstöð Íslands. Katrín Jónsdóttir verkefnastjóri NMÍ á Austurlandi verður með kynningu á sjóðum NMÍ og svarar fyrirspurnum.

15:00 Kynning á Uppbyggingarsjóði Austurlands Signý Ormarsdóttir verður með kynningu á sjóðnum og helstu áherslum hans auk þess að svara fyrirspurnum.