Sumartónleikaröðin Bláa kirkjan er fastur liður í menningarlífi Austfirðinga og nú er búið að staðfesta dagskrá sumarsins sem að venju verður spennandi.

Sumartónleikaröðin Bláa kirkjan var sett á laggirnar árið 1998 af söngkonunni og tónlistarkennaranum Muff Worden sem kom frá Bandaríkjunum til að kenna við Tónlistarskólann á Seyðisfirði. Muff lést langt fyrir aldur fram árið 2006 og er tónleikaröðin haldin í minningu og til heiðurs henni. Um er að ræða sex tónleika og fara þeir fram í Seyðisfjarðarkirkju á miðvikudagskvöldum í júlí og ágúst. Dagskráin spannar allt frá klassísk til þjóðlagatónlistar með viðkomu í jazz og poppi.

Sumartónleikaröðin hefur fyrir löngu fest sig í sessi sem einn af föstum menningarviðburðum í tónlistarlífi Austfirðinga. Þar er boðið upp á fjölbreytta dagskrá og fólki gefst færi á að hlýða á færustu tónlistarmenn landsins í frábærum tónleikasal Bláu kirkjunnar á Seyðisfirði.

Dagskrá 2016:

29. júní                

Gítarleikarinn Svanur Vilbergsson og flautuleikarinn Karen Erla Karólínudóttir ríða á vaðið og hefja formlega tónleikaröð Bláu kirkjunnar. Frítt inn!

6. júlí  

Skuggamyndir frá Býsans Þjóðlagasveit skipuð af Ásgeiri Ágeirssyni, Hauki Gröndal, Þorgrími Jónssyni og Erik Qvick.

13. júlí  

Kammerhópurinn Tríó Fókus Hópinn skipa: Margrét Hjaltested víóluleikari, Ingveldur Ýr Jónsdóttir og Guðríður St. Sigurðardóttir.

20. júlí

Fram koma söngkonan Auður Gunnarsdóttir og píanóleikarinn Helga Bryndís Magnúsdóttir.

27. júlí

Fram koma söngvararnir Bjarni Þór Kristinsson og Lilja Guðmundsdóttir ásamt Ingileifu Bryndísi Þórsdóttur, píanóleikara.

3. ágúst 

Olga Vocal Ensemble Bjarni Guðmundsson, Jonathan Ploeg, Gulian van Nierop, Pétur Oddbergur Heimisson og Philip Barkhudarov.

10. ágúst  

Kvartettinn Valgerður Guðnadóttir, Helga Laufey Finnbogadóttir, Guðjón Steinar Þorláksson og Erik Qvick.

Aðgangseyrir er 3000.kr og allir tónleikar hefjast kl. 20:30

Nánari upplýsingar veitir Jónína Brynjólfsdóttir, verkefnastjóri Bláu kirkjunnar, í síma 899 5892 og með tölvupósti  jonina(hja)austurbru.is

Þá má nálgast frekari upplýsingar um flytjendur á heimasíðu Bláu kirkjunnar.