Fjárhagslegri endurreisn Austurbrúar miðar vel og var á síðasta ári hagnaður af rekstri hennar í fyrsta skipti frá stofnun.  Þetta kemur fram í ársreikningi Austurbrúar sem kynntur var á ársfundi er haldin var á Hótel Framtíð á Djúpavogi í gær. 

Í fyrsta skipti í sögu Austurbrúar náðist sá áfangi 2015 að stofnunin skilaði afgangi en sem kunnugt er hefur stofnunin glímt við umtalsverðan fjárhagsvanda frá stofnun. Rekstrartekjur Austurbrúar árið 2015 voru tæpar 315 milljónir og hagnaður af rekstri voru rúmar 19 milljónir. Neikvætt eigið fé í árslok 2015 voru 66 milljónir í árslok 2015 en var í árslok 2014 85 milljónir. Þetta er mikilvægur áfangi í að rétta af fjárhag stofnunarinnar og tryggja henni góðan og eðlilegan rekstrargrundvöll. Fjárhagslegri endurreisn miðar því vel.

Gunnar Jónsson, fráfarandi formaður stjórnar Austurbrúar, þakkaði árangurinn í ávarpi sínu fórnfúsu starfi framkvæmdastjóra og starfsfólks sem hafi með samhentu átaki og trú á starf Austurbrúar lagt sitt af mörkum til að snúa við rekstrinum.

Ný stjórn var kjörin á fundinum og sitja í henni nú:

Af vettvangi sveitarstjórnarmála:

Jón Björn Hákonarson, Sigrún Blöndal, Margrét Guðjónsdóttir og Gauti Jóhannsson (varamaður).

Af vettvangi atvinnulífs, menningar og menntunar:

Sveinn Jónsson, Sæunn Stefánsdóttir og Adolf Guðmundsson (varamaður).

Sjá ársreikning.

Sjá ársskýrslu.