SAM félagið – grasrótarsamtök skapandi fólks á Austurlandi stendur fyrir alþjóðlegri  MAKE vinnustofu á Fljótsdalshéraði 15.-22. maí.  Vinnustofan, Stefnumót við Skógarsamfélag, er í samstarfi við Designers & Forests hönnunarteymi frá New York-fylki í Bandaríkjunum.  

Vinnustofan fjallar um nýsköpunarmöguleika í nýtingu á afurðum nytjaskógarins á Austurlandi.

Vinnustofan er haldin í samstarfi við hönnunarteymið Megan Urban og Jason Dilworth frá Designers & Forests í Bandaríkjunum.  Þau eru aðstoðarprófessorar í grafískri hönnun við Fylkisháskólann í New York State og hafa keyrt vinnustofu af þessu tagi í m.a. Utah.  Vinnustofan fer fram dagana 15. maí – 22. maí og dvelja nemendur sem koma að  á Skriðuklaustri í Fljótsdal. Bækistöð fyrir vinnustofuna verður á tveim stöðum, í Végarði og hjá Skógarafurðum að Víðivöllum Fljótsdal. 

Þátttakendur eru um 20 talsins, 6 nýútskrifaðir nemendur í vöruhönnun frá Listaháskóla Íslands, 3 nemendur í grafískri hönnun frá Háskólanum í Fredonia í New York fylki, 5-7 hönnuðir, skógarbændur og listamenn af svæðinu. 

Vinnustofan var auglýst fyrir félagsmenn SAM félagsins og félaga í Félagi Skógarbænda á Austurlandi en öðrum þáttakendum var boðin þátttaka.

Í tengslum við vinnustofuna verður blásið til Vorhittings SAM félagsins miðvikudagskvöldið 18.maí í Végarði.  Þar mun bandaríski hönnuðurinn og stefnumótunarsérfræðingurinn John Bielenberg vera með fyrirlesturinn THINK WRONG, stefnumótun byggða á hönnunarhugsun.  Fyrirlesturinn er opinn almenningi og hefst kl. 18.30 í Végarði.

Vinnustofan er styrkt af Uppbyggingarsjóð Austurlands og Alcoa Foundation samfélagssjóði.