Þann 8. september sl. var mikilvægt skref stigið á Vopnafirði þar sem komið var útibúi framhaldsskóladeildar frá Laugum í Kaupvangi. Þetta gefur vopnfirskum ungmennum kost á að stund nám lengur á Vopnafirði.

Deildin var formlega opnuð með borðaklippingum og tilheyrandi að viðstöddu fjölmenni en sex nemendur hófu námið í haust. Með þessu má segja að stórum áfanga sé náð enda umtalsvert hagsmunamál fyrir heimamenn að vopnfirskir nemendur geti dvalið lengur heima þar sem mikill kostnaður getur fylgt því að flytja búferlum til að sækja sér nám fjarri heimabyggð.

Deildinni var fundinn staður í sal 1. hæðar í Kaupvangi sem inniheldur öllu jafna Múlastofu, í helmingi þess rýmis, en að vori fer sýningin upp að nýju. Else Möller vann að verkefninu fyrir hönd Austurbrúar en Bjarney Guðrún Jónsdóttir mun hafa umsjón með deildinni.