Raunfærnimat til félagsliða
Ert þú orðin 23 ára, hefur unnið í a.m.k. þrjú ár við umönnun og aðstoð við aldraða, fólk með fötlun eða sambærileg störf og vilt fá reynslu þína metna inn í skólakerfið?
Austurbrú safnar nú þátttakendum í raunfærnimat á félagsliðabraut. Þátttakendur þurfa að vera orðnir 23 ára, hafa unnið í það minnsta þrjú ár við umönnun og aðstoð við aldraða, fólk með fötlun eða sambærileg störf. Í raunfærnimati fæst reynsla af vinnumarkaði og í einkalífi metin til eininga í framhaldsskólakerfinu. Það getur stytt leið í formlegu námi, styrkt stöðu á vinnumarkaði og eflt sjálfstraust þátttakenda. Ferlið er þeim að kostnaðarlausu sem ekki hafa lokið stúdentsprófi, iðnnámi eða sambærilegu námi. Náms- og starfsráðgjafi Austurbrúar leiðir þátttakendur í gegnum allt ferlið.
Næsta raunfærnimat á vegum Austurbrúar er fisktækni, haustið 2019.
Nánari upplýsingar veitir Hrönn Grímsdóttur, náms og starfsráðgjafi Austurbrúar, [email protected]
Almennar upplýsingar um raunfærnimat.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
