Opinn kynningarfundur um stefnu fyrir íslenska heilbrigðisþjónustu til ársins 2030 verður haldinn í Valaskjálf á Egilsstöðum 22. ágúst kl. 17-19.

Heilbrigðisstefna – stefna fyrir íslenska heilbrigðisþjónustu til ársins 2030 var samþykkt á Alþingi 3. júní síðastliðinn. Á fundinum verður fjallað um hvað felst í stefnunni, hvaða breytingar hún er líkleg til að hafa í för með sér og hvers vegna hún skiptir svo miklu máli, hvort heldur í þéttbýli eða dreifðari byggðum landsins.

Dagskrá:

• Svandís Svavarsdóttir heilbrigðisráðherra – Kynning á heilbrigðisstefnu
• Guðjón Hauksson forstjóri Heilbrigðisstofnunar Austurlands – Sýn forstjóra
• María Heimisdóttir – Áhrif heilbrigðisstefnu á hlutverk og starfsemi SÍ
• Pallborð:Auk frummælenda taka þátt í pallborðsumræðum þau Elsa B. Friðfinnsdóttir, skrifstofustjóri í heilbrigðisráðuneytinu, Jón Björn Hákonarson, forseti bæjarstjórnar Fjarðabyggðar og Hildur Þórisdóttir, forseti bæjarstjórnar Seyðisfirði.

Fundarstjóri er Björn Ingimarsson, bæjarstjóri Fljótsdalshéraðs

Streymt verður frá fundinum á vef Heilbrigðisstofnunar Austurlands.