Tæknidagur fjölskyldunnar 2019
25. september 2019
Tæknidagur fjölskyldunnar verður haldinn í Verkmenntaskóla Austurlands, Neskaupstað, þann 5. október næstkomandi.
Tæknidagur fjölskyldunnar er tileinkaður tækni, vísindum, nýsköpun og þróun á Austurlandi og miðast dagskráin við alla aldurshópa. Hann er haldinn árlega og eru það Verkmenntaskóli Austurlands í Neskaupstað og Austurbrú sem standa að honum.
Tæknidagurinn var haldinn í fyrsta sinn þann 16. mars 2013 sem í liður í verkefni Háskólans í Reykjavík og var tilgangurinn að efla menntasamfélag á Austurlandi. Dagurinn heppnaðist svo vel að Verkmenntaskólinn og Austurbrú ákváðu að endurtaka leikinn og hefur Tæknidagurinn verið haldinn árlega alla tíð síðan. Gestum hefur fjölgað á ári hverju og 2018 voru þeir um 1300 talsins og hafa aldrei verið fleiri.
Styrktaraðilar á árinu 2019 eru Síldarvinnslan, SÚN, Alcoa Fjarðaál, Sesam brauðhús, Eimskip Flytjandi og Fjarðabyggð.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
