Austurland kynnt á umhverfisvænan hátt
Í liðinni viku hélt Jónína Brynjólfdóttir, verkefnastjóri hjá Austurbrú, til Þórshafnar í Færeyjum til að kynna Austurland á ferðasýningunni Vestnorden. Að þessu sinni ákvað markaðssvið Austurbrúar að leggja áherslu á umhverfisvæna kynningu, t.d. með því að minnka notkun á prentuðu kynningarefni.
Í liðinni viku hélt Jónína Brynjólfdóttir, verkefnastjóri hjá Austurbrú, til Þórshafnar í Færeyjum til að kynna Austurland á ferðasýningunni Vestnorden. Ferðamálasamtök Norður-Atlantshafsins (NATA), samstarfsvettvangur Íslands, Færeyja og Grænlands á sviði ferðamála, standa fyrir sýningunni. Löndin þrjú skiptast á að halda sýninguna og að þessu sinni fór hún fram í Færeyjum.
Að þessu sinni ákvað markaðssvið Austurbrúar að leggja áherslu á umhverfisvæna kynningu, t.d. með því að minnka notkun á prentuðu kynningarefni en bjóða þess í stað upp á rafrænan aðgang að upplýsingum um Austurland. Þannig fengu ferðaskipuleggjendur og blaðamenn aðgang að vefsvæði þar sem þeir gátu nálgast margvíslegar upplýsingar um Austurland og tekið með sér heim á umhverfisvænan hátt.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
