Á síðustu árum hefur ferðamannaiðnaðurinn fest sig í sessi sem einn af meginatvinnuvegum Austurlands. Til að bregðst við þeirri þróun hefur Austurbrú í nokkur ár leitt verkefnið Áfangastaðinn Austurland. 

Upphaf verkefnisins má rekja til ársins 2014 þegar Ferðamálasamtök Austurlands og Austurbrú hrundu því af stað. Samstarf hefur allt frá upphafi verið einkennismerki verkefnisins en það er unnið með Daniel Byström, sænskum áfangastaðahönnuði. Þátttakendur í verkefninu sáu fljótt mikilvægi þess að læra af reynslu annarra, leita bestu leiðanna og stefna enn hærra.

Digital Tourism Think Tank tók Maríu Hjálmarsdóttur, verkefnastjóra Áfangastaðarins Austurlands, tali til að forvitnast um verkefnið.

”Á síðustu árum höfum við unnið að þróun Áfangastaðarins Austurland. Markmiðið er að skilgreina hvað við teljum Austurland vera, íbúa svæðisins og vinna að sýn fyrir Austurland sem áfangastaðar, bæði fyrir íbúa og gesti. Við höfum lagt mikla vinnu í að virkja alla hagsmunaaðila og fá þá til liðs við okkur við þróun áfangastaðarins. Nýjasta afurðin er áfangastaðaáætlun fyrir Austurland. Áætlunin á að hvetja hagsmunaðila til að vinna að skilgreindum forgangsverkefnum svo við getum fækkað augljósum flöskuhálsum í þróun Austurlands með hagsmuni framtíðaríbúa og -gesta að leiðarljósi. Þannig getum við frekar laðað að þá gerð ferðamanna sem við sækjumst eftir.”

María og Daniel munu kynna áfangastaðaáætlunina á stórri ráðstefnu á vegum Digital Tourism Think Tank í byrjun næsta mánaðar. 

Lesa má viðtalið í heild sinni á vef Digital Tourism Think Tank.