Markaðsstofur landshlutanna setja upp vinnufundinn Mannamót markaðsstofa landshlutanna fyrir samstarfsfyrirtæki sín fimmtudaginn 16. janúar 2020 kl. 12:00-17:00 í Kórnum í Kópavogi.

Mannamót markaðsstofanna er kynningarvettvangur ferðaþjónustunnar á landsbyggðinni og tækifæri til að koma á fundum fagaðila í greininni. Tilgangurinn er að kynna landsbyggðarfyrirtæki fyrir ferðaþjónustuaðilum sem staðsettir eru á höfuðborgarsvæðinu. Ísland hefur mikið upp á að bjóða og Mannamót markaðsstofanna hjálpar til við að mynda tengsl innan ferðaþjónustunnar. Gestum á Mannamóti markaðsstofanna gefst kostur á kynna sér það sem mismunandi landshlutar eru að bjóða upp á, með áherslu á vetrarferðamennsku.

Athugið að aðeins samstarfsfyrirtækjum markaðsstofa landshlutanna gefst kostur á að skrá sig á Mannamót markaðsstofanna til þess að sýna og kynna sitt fyrirtæki. Verð er 19.000 kr. (án vsk). Öllum er frjálst að mæta á viðburðinn og enginn aðgangseyrir er fyrir gesti. Við biðjum þó þá sem ætla að koma sem gestir að skrá sig svo hægt sé að áætla fjöldann.

Skráningu lýkur þann 31. desember 2019.

> Skráning sýnenda
> Skráning gesta