Verðlaunaafhending Asksins, Íslandsmeistarakeppni í matarhandverki, fór fram um liðna helgi. Á meðal sigurvegara voru þrír austfirskir framleiðendur sem voru verðlaunaðir fyrir samtals fjórar afurðir. 

Flokkur: Ber, ávextir og grænmeti
Gullverðlaun – Þurrkaðir lerkisveppir, Holt og heiðar ehf
Silfurverðlaun – Grenisíróp, Holt og heiðar ehf

Flokkur: Kjöt og kjötvörur, hráverkaðar
Bronsverðlaun – Ærberjasnakk, Breiðdalsbiti

Flokkur: Nýsköpun
Gullverðlaun – Bopp, Havarí

Spennandi tímar eru fram undan í matarmenningu á Austurlandi því nú stendur yfir vinna við verkefnið Matarauður Austurlands í samstarfi við Matarauð Íslands. Gróskan er mikil og Austurbrú væntir nánara samstarfs við alla þá sem vinna að matvælaframleiðslu í landshlutanum.

Við minnum á að nú er unnið að gerð hráefnahandbókar fyrir Austurland allt. Mikilvægt er að upplýsingar um framleiðendur, stóra og smáa, berist til Halldóru Drafnar, verkefnisstjóra Matarauðs Austurlands, á netfangið [email protected].

Sjá nánar frétt Matarauðs Íslands.