Áfangastaðahönnun kynnt í Finnlandi
Þessa dagana eru fulltrúar Austurlands að kynna verkefnið „Áfangastaðinn Austurland“ á ráðstefnunni DTTT Global í Espoo í Finnlandi sem fjallar um áfangastaðaþróun og sjálfbærni.
Þessa dagana eru fulltrúar Austurlands að kynna verkefnið „Áfangastaðinn Austurland“ á ráðstefnunni DTTT Global í Espoo í Finnlandi sem fjallar um áfangastaðaþróun og sjálfbærni. Það er María Hjálmarsdóttir sem fer fyrir hönd Austurbrúar en með henni í för er áfangastaðahönnuðurinn Daniel Byström. Bæði hafa þau unnið að verkefninu frá upphafi.
„Það er mikill heiður fyrir okkur að vera boðið að segja frá verkefninu,“ segir María. „Þarna er verið að kynna fjölmörg verkefni á sviði ferðaþjónustu og markaðssetningar sem þykja framúrskarandi og viðurkenning fyrir okkur að vera í þessum félagsskap.“
María segir að það sé margt hægt að læra af verkefninu: „Við deilum mjög merkilegri reynslu á þessari ráðstefnu, leyfi ég mér að segja. Í fyrsta lagi er það nýlunda að nota hönnunarhugsun við mótun landshluta og þá vekur alltaf athygli sú aðferðafræði sem við beittum til að ná fram þeim hugmyndum sem fólk á svæðinu hefur um sjálft sig. Fjölmargir komu að þeirri vinnu og eftir á að hyggja held ég að þetta verkefni hefði aldrei orðið að því sem það er nema vegna þess að hagaðilar voru margir og komu úr ýmsum áttum.“
> Nánari upplýsingar um ráðstefnuna
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
