Í janúar hófu tveir nýir verkefnastjórar störf hjá Austurbrú. 

Arnfríður Eide Hafþórsdóttir er nýr verkefnastjóri á sviði atvinnu- og byggðaþróunar. Hennar helstu verkefni eru tengd sjávarútvegi og hafsæknum greinum en einnig hefur hún komið að greiningu þjónustu í fjórðungnum, samþættingu áfallaþjónustu og öðrum verkefnum á vegum Austurbrúar. Arnfríður hefur fjölbreyttan bakgrunnn en hún er hársnyrtir, lögreglumaður og sjávarútvegsfræðingur að mennt.

Eyþór Stefánsson er einnig nýr verkefnastjóri á sviði atvinnu- og byggðaþróunar. Hans helstu verkefni eru m.a. innviðagreining fyrir Austurland í kjölfar óveðursins í desember, kortlagning vegakerfisins í fjórðungnum, sviðsmyndir fyrir millilandaflug um Egilsstaðaflugvöll o.fl. Eyþór er með B.Sc.-gráðu í fjármálaverkfræði.