„Þetta er eiginlega okkar gullni hringur hér á Austfjörðum“
Aðgengi að náttúruperlum á Austurlandi
Fyrir helgina var birt viðtal í Fréttablaðinu við Maríu Hjálmarsdóttur, verkefnastjóra Austurbrúar, þar sem hún ræddi um mikilvægi þess að bæta aðgengi að náttúruperlum Austurlands, m.a. að Stuðlagili. Tilefnið var tölvupóstur sem María sendi á byggðarráð Múlaþings þar sem hún leggur til að bætur verði gerðar á veginum frá Kárahnjúkastíflu að Jökuldal á Brú.
„Okkar gullni hringur“
Það er skemmst frá því að segja að byggðarráðið tók vel í erindi Maríu. Í viðtalinu kemur fram að Birni Ingimarssyni, sveitarstjóra Múlaþings, hafi verið falið að koma á samtali við Vegagerðina. „Þetta er eiginlega okkar gullni hringur hér á Austfjörðum því það eru ótrúlega margar perlur á þessari leið,“ sagði María í viðtalinu en á umræddum vegi er meðal annars Stuðlagil, Magnahellir, Laugafell og Hafrahvammagljúfur en einnig hinir „stórkostlegu Litlanesfoss og Hengifoss svo fátt eitt sé nefnt. Laugavalladalur er svo perla sem ekki allir vita af en fleiri ættu að kannast við Kárahnjúkastíflu,“ líkt og segir í Fréttablaðinu. Sjá má alla fréttina með því að smella á hlekkinn hér fyrir neðan.
Sjá frétt Fréttablaðsins
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
