Aðalfundur Símenntar á Austurlandi
Aðalfundur Símenntar – Samtök fræðslu- og símenntunarmiðstöðva á landinu var haldinn í umsjón Austurbrúar daganna 12.-13. apríl á Egilsstöðum. Samtökin hétu áður Kvasir en nafninu var breytt á síðasta ári í Símennt. Markmið samtakanna eru þau sömu þ.e. að efla símenntun og framhaldsfræðslu á Íslandi.
Mikil gróska
Eftir hefðbundin aðalfundarstörf var fengin kynning á uppbyggingu og sérstöðu Vök Baths og auðvitað voru böðin prófuð í beinu framhaldi. Síðari daginn var haldin málefnafundur sem hófst með ávarpi Guðmundar Inga Guðbrandssonar, félags- og vinnumarkaðsráðherra. Hildur Bettý Kristjánsdóttir, framkvæmdastjóri Fræðslumiðstöðvar atvinnulífsins, tók einnig þátt í fundinum en mikil gróska og töluvert margir starfshópar eru í gangi á vegum ráðuneytanna er varða framhaldsfræðsluna. Fulltrúar Símenntar taka virkan þátt í þeirri vinnu og var greint frá stöðu mála í nokkrum verkefnum.
Nýr formaður
Að loknum fundi var haldið í Nielsen Restaurant þar sem eigendurnir sögðu frá áherslum og sérstöðu veitingastaðarins en mikil áhersla er lögð á að nær allt hráefni komi frá nærumhverfinu á Austurlandi yfir sumarmánuðina. Á fundinum var Valgeir B. Magnússon hjá Símey kjörinn nýr formaður og tekur hann við af Sólveigu Hildi Björnsdóttur hjá Mími. Með honum í stjórn verða Sædís María Jónatansdóttir (frá Fræðslumiðstöð Vestfjarða) og Óli Halldórsson (frá Þekkingarneti Þingeyinga).
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
