Dagskrá er samkvæmt 7. gr. skipulagsskrár. Endurskoðaðir reikningar félagsins liggja frammi á skrifstofum Austurbrúar ses. og eru einnig birtir á heimasíðu þess, austurbru.is. Fulltrúar í fulltrúaráði fara sem fyrr segir með atkvæðisrétt á ársfundi en aðrir fundarmenn hafa málfrelsi og tillögurétt að undanskildum tillögurétti til stjórnarkjörs. Ráðgert er að fresta hluta hefðbundinna ársfundarstarfa til framhaldsársfundar í haust.

Á næstu mánuðum mun stjórn og starfsháttanefnd stofnunarinnar, með aðkomu starfsmanna, meta hvernig starfsemi Austurbrúar hefur gengið, endurskoða stjórnskipulag stofnunarinnar eftir þörfum og gera tillögur um æskilegar breytingar. Stjórn Austurbrúar ses. og Karl S. Guðmundsson, sem hefur verið framkvæmdastjóri Austurbrúar frá því í árslok 2012, hafa gert með sér samkomulag um starfslok. Jóna Árný Þórðardóttur hefur verið ráðin til að gegna starfi framkvæmdastjóra stofnunarinnar tímabundið næstu mánuði, eða fram að framhaldsársfundi Austurbrúar sem fyrirhugað er að halda fyrir lok september. Jóna Árný er viðskiptafræðingur, löggiltur endurskoðandi og ráðgjafi hjá Gagnráðum ehf. Hún hefur setið sem fulltrúi í starfsháttanefnd Austurbrúar og í stjórn Vaxtarsamnings Austurlands.