Hvernig sérðu atvinnutækifæri og nýsköpun þróast í þínu samfélagi? Verða börnin þín við stjórnvölinn eftir tuttugu ár? Í næstu viku verða haldnir fundir í Fjarðabyggð og í Árborg um byggðaþróun á norðurslóðum Norðurlanda þar sem m.a. verður reynt að svara þessum spurningum. 

Fundirnir eru liðir í verkefni um byggðaþróun á norðurslóðum Norðurlanda til framtíðar. Um er að ræða átaksverkefni á dagskrá Norrænu ráðherranefndarinnar (NMR) frá 2013 til 2016.

Embættismannanefnd NMR um byggðaþróun hefur þess vegna sett á laggirnar vinnuhóp sem hefur að markmiði að þróa framtíðarsviðsmyndir um sjálfbæra svæðisbundna þróun á norðurslóðum Norðurlanda. Þær eiga að vera framlag til að þróa þekkingu um málefni norðurslóða svæðisins og munu í kjölfarið fá aukið vægi í pólitískri umræðu á þessum vettvangi.

Vinnuhópurinn leitar að svörum við eftirfarandi spurningum: 

– Hvaða samfélagslegu og auðlindatengdu, náttúrulegu og manngerðu aðstæður má ímynda sér að geti haft áhrif á byggðaþróun á norðurslóðum næstu tíu, tuttugu eða þrjátíu ár?

– Hvernig mun meðhöndlun þessara aðstæðna geta haft áhrif á lífsforsendur og framtíðarútlit svæðanna?

– Hvaða áskoranirnar krefjast úrlausna í skipulagsmálum og byggðastjórnmálum?

Það er mikilvægt að svara þessum spurningum svo svæðisbundnir aðilar á norðurslóðum fái möguleika til að taka þátt í að draga upp framtíðarmyndir sem hægt er að vinna frekar með í framhaldinu.

Vegna þessa verkefnis hafa verið haldnir fundir á öllum Norðurlöndunum. Haustið 2013 voru íbúafundir haldnir á Grænlandi, í Noregi og Svíþjóð. Í janúar voru fundir haldnir í Færeyjum og nú í febrúar verða fundir í Finnlandi og hér á landi undir yfirskriftinni Stefnumót við framtíðina.

Fundirnir á Íslandi í næstu viku verða haldnir fundir í Fjarðabyggð (á Reyðarfirði) í Fróðleiksmolanum 10. febrúar frá kl. 17 til 20 og í Árborg (Selfossi) 12.febrúar á Hótel Selfossi kl. 17 til 20.

Nánari upplýsingar veita:

Anna Karlsdóttir, Nordregio. Sími: +46 735464872 – Netfang: [email protected]

Signý Ormarsdóttir, Austurbrú ses. Sími: 470 3811 / 864 4958 – Netfang: [email protected]

Þórarinn Sveinsson, Samtök sunnlenskra sveitarfélaga. Sími: 898 0399 – Netfang: [email protected]