Dagana 30. október – 4. nóvember fara fram Dagar myrkurs á Austurlandi. Dagar myrkurs hafa verið haldnir frá árinu 2000 og eru því nú í nítjánda sinn.

Þessa daga er hægt að upplifa rólega og notalega stemmningu í litlum byggðalögum þar sem komu myrkurs og skugga er fagnað. Meðal þess sem boðið er upp á er gönguferð sem kölluð er Afturgangan á Seyðisfriði þar sem öll ljós í bænum eru slökkt meðan á göngunni stendur.  Í fjárhúsinu á Teigarhorni í Berufirði er hrollvekjan  Ég man þig á breiðtjaldi. Tónleikar og Faðirvorahlaup svo nokkuð sé nefnt.

Upprunalega var hátíðin Dagar myrkurs til þess að bjóða upp á afþreyingu í skammdeginu áður en jólavertíð hæfist og heldur lítið þótti um að vera á Austurlandi í nóvembermánuði. Nú er framboð af afþreyingu mun meira og af nógu að taka allt árið. Því má segja að hátíðin sé farin að bera meiri keim af íslenskri útgáfu af „halloween“ og er víða mjög metnaðarfull. Í einum skólanum er t.d. er matseðilinn þessa daga beinagrindafiskur, risaeðluegg, sæúlfafiskur og varúlfapizza.

Frekari upplýsingar veitir Signý Ormarsdóttir.

[email protected]

470 3811 // 860 2983 

Dagar myrkurs á Facebook.