Dagana 23. – 26. október nk. verður menningarráðstefnan Óbeisluð orka – Grenselös energi haldin í Reykjavík. Ráðstefnan er tileinkuð menningarsamstarfi Austurlands og Vesterålen í Noregi sem hófst fyrir tíu árum síðan. 

Kynnið ykkur dagskránna hér (á norsku). Smellið hér til að kynna ykkur listsýninguna Flakkarar huga og heims, og hér til að sjá upplýsingar um tónleika IS NO + IR, hér um tónleika / leiksýninguna Piano Solo in the Evening með píanóleikaranum Sindre Myrbostad og að lokum hér til að vita meira um tónleika með The Henry Girls.

Á ráðstefnunni verður rakið upphaf, áherslur og afrakstur samstarfsins, sem hófst formlega fyrir tíu árum, og rætt hvort það geti nýst sem fyrirmynd fyrir aðra. Í heilan áratug hafa Austurland og Vesterålen staðið fyrir gagnkvæmum skiptum á myndlistar- og tónlistarmönnum, matreiðslu-meisturum og unglingahópum, námsferðir hafa verið farnar og ráðstefnur haldnar með fulltrúum atvinnulífs, menningarlífs og stjórnmála. Allt hefur þetta skilað sér í mun öflugra menningarlífi jaðarsvæðanna beggja.