Austubrú hefur umsjón með verkefninu Fögur framtíð í Fljótsdal. Markmið þess er efling byggðar í Fljótsdal. Í nýjasta þætti AUSTURLAND HLAÐVARP er rætt við verkefnastjórann Ásdísi Helgu Bjarnadóttur.
Meðal þess sem hún segir frá eru hugmyndir um mótun byggðakjarna í dalnum en tillögur að hugmyndum verða birtar á vef Fljótsdalshrepps um helgina. „Þetta er einstakt verkefni þótt víða væri leitað því yfirleitt hefur byggð þróast og skipulagsmálin koma eftir á en þarna er enginn þéttbýliskjarni fyrir,“ segir Ásdís Helga í viðtalinu. Markmiðið er að finna stað fyrir byggðakjarna sem m.a. lætur fólki líða vel og verði eftirsóknarverður til búsetu. Hugmyndir að byggðaskipulagi á þremur mismunandi stöðum verða birtar um helgina á vef Fljótsdalshrepps.
Þennan þátt og fleiri má finna á Spotify. Umsjón hefur Jón Knútur Ásmundsson.
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn