Í könnuninni hafa landshlutasamtök, Byggðastofnun og aðrir sem vinna að byggðaþróun reynt að gera sér grein fyrir stöðu atvinnulífsins vítt og breitt um landið. Markmiðið er að kanna hver staða fyrirtækja er til að geta stutt þau betur, hvar sem þau eru á landinu. Upplýsingar úr könnununum hafa ásamt íbúakönnunum verið ein mikilvægasta stoð þessara aðila til að móta áherslur í starfi sem snýr að stefnumótun landshlutanna til framtíðar, áherslur í styrkveitingum, ýmissi ráðgjöf, upplýsingagjöf til stjórnvalda og jafnvel uppspretta akademískra rannsókna á sviði atvinnumála hérlendis.

Í þessari könnun er m.a. spurt um hvort fyrirhugað sé að bæta við fólki eða fækka og hvort það vanti menntað starfsfólk, hvort fyrirtæki ætli að fjárfesta eða losa sig við framleiðslutæki og -tól og nokkur atriði er lýsa tegund og eðli rekstursins. Að lokum er spurt út í nokkur atriði er tengjast stöðu eftirspurnar hjá fyrirtækjunum, stuðningsgreinar og þekkingu þeirra á stoðkerfinu. Svör og niðurstöður könnunarinnar verða nýtt af öllum landshlutasamtökum, atvinnuþróunarfélögum og Byggðastofnun.

Aðstandendur könnunarinnar vilja hvetja alla sem eru í rekstri á öllu landinu, fyrirtæki og einstaklinga, einyrkja og opinbera aðila að taka þátt og taka þátt í birta raunhæfa mynd af stöðu atvinnulífsins til almennings og stjórnvalda