Þótt Dagar myrkurs 2022 séu að baki hvetjum við ykkur til að halda áfram að fagna myrkrinu og skammdeginu, lýsa upp umhverfið með fallegum jólaljósum og ekki gleyma að njóta og slaka á!
Vel heppnaðir Dagar myrkurs að baki
Dagar myrkurs voru haldnir venju samkvæmt í kringum hrekkjavöku. Fjölmargir viðburðir fóru fram vítt og breitt um landshlutann og Austurbrú stóð fyrir ljósmynda- og gluggaskreytingakeppni.
Góð þátttaka var á sameiginlegum búningadegi sem haldin 31. október og eftirtekt vekur að æ fleiri byggðakjarnar hvetja til þátttöku í „grikk eða gott“ og voru íbúar, sem vildu taka þátt, hvattir til að setja ljósker fyrir utan húsin sín, sem merki um að börnin væru velkomin. Þá voru einnig fjölmargir viðburðir vítt og breytt um fjórðunginn og fá Vopnfirðingar sérstakt hrós í ár, en þar var sett saman vikudagskrá og gátu íbúar tekið þátt í fjölbreyttum viðburðum alla vikuna. Fleiri byggðarkjarnar stóðu sig vel, og má sama segja um fyrirtæki og ýmis félagasamtök.
Árleg ljósmynda- og gluggaskreytingakeppni
Ljósmyndakeppnin var haldin og bárust 27 myndir í keppnina frá 15 ljósmyndurum. Það var Fáskrúðsfirðingurinn Albert Sigurðsson sem bar sigur úr býtum en ljósmyndin hans var tekin í Mjóafirði af skipsflaki sem lýst er upp af einstaklega fallegum norðurljósum. Albert fékk í verðlaun 50.000.- krónur. Þá sigraði Elín Rún Sizemore frá Eskifirði gluggaskreytingarkeppnina og fékk hún gjafabréf í verðlaun.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
