Af þessum rúmu 5 milljörðum komu 4 frá ríkinu en tæpar 500 m.kr. frá sveitarfélögunum. Unnið var að 283 áhersluverkefnum um land allt og framlag til þeirra nam 1,6 ma.kr. Styrkir úr uppbyggingarsjóði námu 2,3 ma.kr. á tímabilinu og voru 2966 verkefni styrkt, en rúmar 5 þúsund umsóknir bárust.

Í greinargerðinni er m.a. fjallað um tilgang helstu áhersluverkefna landshlutanna, um fjölda umsókna í uppbyggingarsjóðina eftir landshlutum en sem dæmi bárust 646 umsóknir á tímabilinu til Uppbyggingarsjóðs Austurlands og veittir hafa verið tæplega 400 styrkir úr honum. Ýmislegt fleira fróðlegt er að finna í greinargerðinni og hana má nálgast hér.

Sóknaráætlanir landshluta eru samstarfsverkefni ráðuneyta og sveitarfélaga. Markmiðið er að færa aukin völd og ábyrgð til landshlutanna á ráðstöfun fjármuna frá ríkisvaldinu til verkefna á sviði byggðamála og samfélagsþróunar. Samráð og samvinna ríkis og sveitarfélaga fer fyrst og fremst fram í gegnum stýrihóp Stjórnarráðsins um byggðamál og landshlutasamtök sveitar­félaga. Landshlutasamtök sveitarfélaga skipa samráðsvettvang í hverjum landshluta og skilgreina hlutverk og verkefni hans.  Samráðsvettvangurinn hefur beina aðkomu að gerð sóknaráætlunar.

Samkvæmt samningum um sóknaráætlanir renna framlög ríkisins annars vegar til áhersluverkefna og hins vegar til uppbyggingarsjóða. Uppbyggingarsjóðir eru samkeppnissjóðir. Áhersluverkefni eru samningsbundin verkefni sem hafa beina skírskotun til sóknaráætlunar landshlutans og áherslna samráðsvettvangs og þar er ekki gerð krafa um mótframlag.

Nýtt fimm ára tímabil sóknaráætlana landshluta hófst árið 2020 og stendur út árið 2024.

Frekari upplýsingar:

• Um sóknaráætlun Austurlands.
• Um sóknaráætlanir landshluta
• Greinargerð um sóknaráætlanir landshluta 2015-2019