Hvatningarverðlaun ferðaþjónustunnar veitt
Hvatningarverðlaunin voru endurvakin á haustfundi ferðaþjónustunnar til þess að hvetja ferðaþjóna á Austurlandi áfram til góðra verka.
Hvatningarverðlaun ferðaþjónustunnar
Haustfundur ferðaþjónustunnar á Austurlandi fór fram á Hallormsstað í gær og var vel sóttur. Á fundinum voru hvatningarverðlaun ferðaþjónustunnar á Austurlandi veitt í fyrsta sinn síðan árið 2014 en nú var ákveðið að endurvekja þessa skemmtilegu hefð nú til að hvetja ferðaþjóna í landshlutanum áfram til góðra verka.
Frumkvöðullinn
Kletturinn
Frumkvöðullinn
Viðurkenning þessi er veitt þeim aðilum sem sýna áræðni og hugmyndaauðgi við uppbyggingu á þjónustu fyrir ferðamenn og stuðla með verkum sínum að aukinni fjölbreytni í atvinnugreininni á Austurlandi. Með framtaki sínu og frumkvæði ryðja þeir brautina og eru öðrum sem vinna við ferðaþjónustu nauðsynleg hvatning til dáða.
Auður Vala ásamt starfsmönnum Austurbrúar, þeim Sigfinni Björnssyni og Maríu Hjálmarsdóttur.
Blábjörg
Auður Vala og Helgi á undanförnum árum byggt upp heilsárs ferðaþjónustufyrirtæki á Borgarfirði eystri. Þau hafa af miklum myndarbrag endurgert gamla frystihúsið í þorpinu og í vetur munu þau byggja nýja byggingu með hótelherbergjum og stærra og betra spa-i. Í sumar hófu þau framleiðslu á bjór, gini og landa eftir eigin uppskriftum í gamla kaupfélaginu. Húsið keyptu þau fyrir nokkrum árum en það hafði staðið autt og legið undir skemmdum um tíma. Húsið eru þau að endurbyggja í samstarfi við Minjavernd.
Kletturinn
Viðurkenning þessi er veitt þeim aðilum sem um árabil hafa staðið í framlínu ferðaþjónustu á Austurlandi og með ósérhlífni og eljusemi stuðlað að framgangi og vexti atvinnugreinarinnar. Þeir eru bjargið sem ferðaþjónustan byggir á og eru öðrum fyrirmynd í að klífa örðuga hjalla til að ná handfestu á framtíðinni.
Ívar ásamt starfsmönnum Austurbrúar, þeim Sigfinni Björnssyni og Maríu Hjálmarsdóttur.
Ívar Ingimarsson
Ívar hefur á undanförnum árum átt þátt í ýmsum frumkvöðlaverkefnum á sviði ferðaþjónustu á Austurlandi. Allt frá því að hann flutti austur ásamt fjölskyldu sinni hefur hann verið með puttana í og átt frumkvæði að hinum ýmsu verkefnum. Má þar m.a. nefna þjónustusamfélagið á Fljótsdalshéraði, þokusetrið í Fjarðabyggð og hreindýrinu sem vakir yfir tjaldsvæði Egilsstaða. Helst ber þó að nefna þátt hans í uppbyggingu gæðaafþreyingar ferðaþjónustu í Vök Baths sem er í dag einn vinsælasti áningastaður landshlutans. Við erum þakklát fyrir það óeigingjarna starf sem hann hefur unnið fyrir landshlutann á undanförnum árum og hlökkum til að sjá hvaða hugmynd hann kemur með næst.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
