Hvernig höldum við áfram með BRAS? – Opinn umræðufundur
Mánudaginn 26. nóvember frá 10:00 – 12:00 verður umræðufundur um BRAS barna- og ungmennahátíðina á Austurlandi þar sem m.a. verður spurt: Hversu mikilvæg er menningar- og listaupplifun fyrir börn og ungmenni?
Mánudaginn 26. nóvember frá 10:00 – 12:00 verður umræðufundur um BRAS barna- og ungmennahátíðina á Austurlandi þar sem m.a. verður spurt: Hversu mikilvæg er menningar- og listaupplifun fyrir börn og ungmenni?
Á fundinum verður rætt um hátíðina sem fram fór í september og lagt mat á hvernig til tókst, hvað megi betur fara og hvernig fólk sér framhald hátíðarinnar. Sérstakur gestur er Emelía Antonsdóttir Crivello. Hún hefur unnið skapandi starf með börnum og unglingum á Austurlandi í mismunandi verkefnum í ellefu ár og kenndi m.a. í smiðjum á BRAS.
Við hvetjum alla sem láta sig málið varða að mæta og taka þátt í uppbyggilegri umræðu.
Eftir hádegi verður svo vinnustofa um gerð umsókna í Uppbyggingarsjóð Austurlands en umsóknarfrestur er kl. 12:00 á hádegi föstudaginn 30. nóvember. Því er tilvalið að taka daginn frá og mæta þar líka ef ætlunin er að sækja í sjóðinn.
Nánari upplýsingar veitir Signý Ormarsdóttir.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
