Innviðir Austurlands greindir vegna óveðurs
Í kjölfar mikils óveðurs sem gekk yfir landið í desember setti ríkisstjórnin á fót átakshóp í þeim tilgangi að vinna að úrbótum á innviðum í raforku og fjarskiptum. Hópnum er ætlað að meta hvaða aðferðir séu færar til að efla þessa innviði og tryggja að þeir séu sem best í stakk búnir til að takast á við ofsaveður og náttúruhamfarir. Að auki hefur hópnum verið falið að skoða samgöngur, byggðamál og dreifikerfi RÚV.
Átakshópurinn hefur sett sig í samband við fjölda aðila og kallað eftir upplýsingum. Einn þessara aðila er Samband sveitarfélaga á Austurlandi (SSA). Framkvæmdastjóri, ásamt fulltrúum annarra landshlutasamtaka, fundaði með hópnum fyrir skömmu þar sem farið var yfir áherslur hópsins og upplýsingaöflun. Í framhaldi af fundinum hefur Austurbrú aflað gagna frá fjölmörgum aðilum, s.s. sveitarfélögum, viðbragðsaðilum og stofnunum og unnið samantekt um stöðu mála í fjórðungnum sem átakshópurinn mun nota í sinni vinnu.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
