Austurbrú leggur nú könnun fyrir íbúa Stöðvarfjarðar, sem hluta af verkefninu Brothættar byggðir, í þeim tilgangi að kanna ýmsa þætti er varða búsetugæði.
Könnun fyrir Stöðfirðinga
Á næstunni hefst byggðaþróunarverkefnið Brothættar byggðir á Stöðvafirði. Markmiðið með verkefninu er m.a. að fá fram skoðanir íbúanna sjálfra á framtíðarmöguleikum heimabyggðarinnar og leita lausna á þeirra forsendum í samvinnu við ríkisvaldið, landshlutasamtök, sveitarfélagið, brottflutta íbúa og aðra.
Austurbrú leggur nú könnun fyrir íbúa Stöðvarfjarðar og þau sem hafa lögheimili á staðnum. Tilgangur hennar er að kanna ýmsa þætti er varða búsetugæði. Könnunin verður nýtt sem vinnugagn við undirbúning og framkvæmd verkefnisins Brothættra byggða sem hefst á árinu.
Könnunin er opin frá 21. febrúar til 28. febrúar. Könnunin er rafræn en leyfilegt er að prenta út könnunina og skila henni í lokuðu umslagi í skilakassa í Brekkunni á Stöðvarfirði. Góð þátttaka er forsenda þess að niðurstöður könnunar verði marktækar og gagnist í að leggja mat á núverandi stöðu og móta hugmyndir og áætlanir til framtíðar.
Taka þátt í könnunFrekari upplýsingar
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
