Austurbrú auglýsir eftir sérfræðingi til að leiða verkefni á sviði skjalamála og gagnavistunar innan stofnunarinnar.

Starfið felst í teymisvinnu við rekstur og áframhaldandi uppbyggingu á stafrænu umhverfi stofnunarinnar með sérstaka áherslu á innleiðingu skilvirkra ferla við skjalastjórnun og gagnavistun. Í starfinu felst umsjón og framkvæmd tengd tæknilausnum og tölvukerfum skjölunar, upplýsingamiðlun, ráðgjöf, stefnumótun og  umsjón gagnamála.

Við leitum að einstaklingi sem býr yfir góðri reynslu af notkun Office365 lausna, er skipulagður og á auðvelt með að skapa yfirsýn yfir þarfir og möguleika varðandi tæknilausnir, gögn og skjölun. Verkefnastjórinn mun sinna þarfagreiningum, viðhaldi og innleiðingu á hugbúnaði og tæknilegum útfærslum UT kerfa. Ef þú vilt vinna á faglega krefjandi og skemmtilegum vinnustað með tæknilausnir, kerfi, gögn og skjalastjórn sem meginviðfangsefni, þá er þetta starfið fyrir þig. Að auki er mikilvægt er að viðkomandi hafi áhuga á að vinna í hóp og eigi auðvelt með að starfa með öðrum.

Umsókn skal fylgja

• Ferilskrá
• Kynningarbréf
• Greinargerð um þekkingu og reynslu af umsjón og innleiðingu skjala- og gagnavistunarkerfa
• Upplýsingar um meðmælendur

Gögnin skal senda til Tinnu Halldórsdóttur, yfirverkefnastjóra innri mála: [email protected]

Umsóknarfrestur er til og með 19. júní.

Óskað er eftir að viðkomandi geti hafið störf sem fyrst. Verkefnastjóri getur haft aðsetur á þeirri starfsstöð Austurbrúar sem hann kýs en búseta á Austurlandi er skilyrði. Laun eru greidd samkvæmt kjarasamningi Sambands íslenskra sveitarfélaga og Fræðagarðs.

Austurbrú er þverfaglegur og krefjandi vinnustaður sem er leiðandi í stoðþjónustu á Austurlandi hvað varðar atvinnulíf, menntun, byggðaþróun og menningu. Starfsstöðvarnar bjóða góða aðstöðu og aðbúnað. Austurbrú hefur hlotið jafnlaunavottun og er EQM vottuð stofnun á sviði fræðslumála.

Ábyrgðarsvið

• Umsjón með innleiðingu og rekstri skjalakerfis og gagnavistunar
• Ráðgjöf og stuðningur vegna innleiðingar og notkunar Microsoft Office 365 lausna
• Umsjón með gagnaumhverfi stofnunarinnar og notkun CRM
• Útfærsla skjalalausna stofnunar
• Stefnumótun og innleiðing verkfæra
• Samskipti við hagaðila og stofnanir
• Teymisvinna

Kröfur

• Háskólamenntun sem nýtist í starfi .
• Þekking og reynsla af uppsetningu og rekstri skjalakerfa.
• Reynsla af verkefnastjórnun og þekking á verkefnastjórnunarverkfærum
• Færni í úrlausn vandamála og greiningarhæfni
• Þekking á skipulagi og vistun gagnaumhverfis og gagnagæðum
• Framúrskarandi samskiptahæfni
• Frumkvæði og sjálfstæði til verka
• Leiðtogahæfni

Fríðindi í starfi

• Góður aðbúnaður
• Sveigjanlegt starfsumhverfi
• Stytting vinnuviku
• Jafnlaunavottun
• Heimavinnudagar