Fyrir einstaklinga sem hafa áhuga á matvælaframleiðslu eftir Beint frá býli hugmyndafræðinni.

Námskráin miðar við 80 klukkustunda nám sem er að miklu leyti verklegt og er því skipt í tvær lotur. Í fyrri lotunni verður kennt um vélar og tæki, hreinlæti og þrif, örverufræði, kostnaðarútreikning, næringargildi og merkingu matvæla. Í seinni lotunni verður nemendum leiðbeint um vöruþróun og framleiðslu á vöru.

Markmiðið er að námsmenn öðlist skilning og getu til að vinna að vöruþróun og framleiðslu á matvælum. Megin áhersla smiðjunnar er að námsmenn öðlist innsýn í helstu verkferla sem snúa að einfaldri matvælaframleiðslu.

Mennta- og menningarmálaráðuneytið heimilar að Matarsmiðjuna – Beint frá býli megi meta til allt að 10 framhaldsskólaeininga.

Fyrirkomulag

Matarsmiðjan Beint frá býli verður kennd á 10 vikum og hefst í lok janúar ef næg þátttaka fæst. Kennslan mun að mestu leyti fara fram í húsnæði Austurbrúar (á Egilsstöðum og Reyðarfirði) og í Hallormsstaðaskóla.
Verð: 34.000 kr. með fyrirvara um breytingar á verðskrá Fræðslusjóðs. Nemendur eru hvattir til þess að nýta sér styrki stéttarfélaga til menntunar.

Skráning

Frekari upplýsingar veita

Kristjana Louise Friðbjarnardóttir ([email protected]) og Tinna Halldórsdóttir ([email protected])