Hvatningarverðlaun ferðaþjónustunnar
Tilnefndu Frumkvöðulinn og Klettinn í ferðaþjónustu á Austurlandi.
Óskað eftir tilnefningum
Áfangastaðurinn Austurland óskar eftir tilnefningum fyrir Frumkvöðulinn og Klettinn, hvatningarverðlaun ferðaþjónustunnar á Austurlandi. Verðlaunin voru síðast veitt árið 2014 en okkur langar að endurvekja þessa skemmtilegu hefð til þess að hvetja ferðaþjóna á Austurlandi áfram til góðra verka.
Kletturinn
Viðurkenning þessi er veitt þeim aðilum sem um árabil hafa staðið í framlínu ferðaþjónustu á Austurlandi og með ósérhlífni og eljusemi stuðlað að framgangi og vexti atvinnugreinarinnar. Þeir eru bjargið sem ferðaþjónustan byggir á og eru öðrum fyrirmynd í að klífa örðuga hjalla til að ná handfestu á framtíðinni.
Frumkvöðullinn
Viðurkenning þessi er veitt þeim aðilum sem sýna áræðni og hugmyndaauðgi við uppbyggingu á þjónustu fyrir ferðamenn og stuðla með verkum sínum að aukinni fjölbreytni í atvinnugreininni á Austurlandi. Með framtaki sínu og frumkvæði ryðja þeir brautina og eru öðrum sem vinna við ferðaþjónustu nauðsynleg hvatning til dáða.
Rökstuddar tilnefningar sendist á [email protected] eigi síðar en 31. október n.k.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
