Það hefur verið nóg um að vera á starfsstöðvum Austurbrúar síðustu vikur. Um hundrað nemendur hafa tekið um tvö hundruð próf, flestir eru nemendur Háskólans á Akureyri og voru flest próf tekin á Reyðarfirði.

Alls voru það 102 próftakar sem tóku 221 próf hjá Austurbrú á haustönninni. Flestir voru eru nemendur Háskólans á Akureyri (31) en nemendur Háskóla Íslands voru 27. HA ákvað skömmu fyrir upphaf prófatímabils að breyta mörgum prófum í heimapróf og því fækkaði próftökum þess skóla.

Á vorönn voru engir nemendur frá HR sem tóku próf hjá okkur en núna voru þeir 9, þar af 6 nemendur háskólagrunns HR sem hófst í húsakynnum Austurbrúar í haust.

Flest prófin voru tekin á Reyðarfirði eða 120 þarf voru 49 próf sem tengdust háskólagrunni HR.

Konur eru í meirihluta próftaka eins og svo oft áður eða 68,6% en frá vori 2013 þá hafa konur verið að meðaltali 69,4% próftaka.