Hvernig sérðu menntaþarfir fyrirtækisins breytast á næstum árum? Hvernig menntun þarf að efla á Austurlandi? Telur þú fyrirtækið þitt vera í góðum tengslum við menntastofnanir í landshlutanum? Þetta voru meðal spurninga sem við spurðum fulltrúa atvinnulífsins á Austurlandi í rannsókn á menntaþörfum þess.
Verkefnið var framkvæmt að beiðni SSA (Sambands sveitarfélaga á Austurlandi) og í framhaldi úttektar á fjarnámi á Austurlandi. Tillaga að næsta skrefi þeirrar úttektar var m.a. greining á menntaþörfum atvinnulífsins. Gagna var aflað frá nóvember 2019 til mars 2020 og var það gert með tvennum hætti: Annars vegar voru tekin sautján viðtöl við fulltrúa fyrirtækja og stofnana og hins vegar var lögð fyrir rafræn könnun um stöðu fyrirtækja hvað varðar menntaþörf starfsfólks, hæfni og menntunarstig, þörf fyrir fræðsluáætlanir og ráðgjöf varðandi sí- og endurmenntun.
Helstu niðurstöður voru þær að almennt vantaði starfsfólk í vinnu, bæði á þeim tíma sem spurt var og á næstu tveimur árum að mati viðmælenda en fram skal tekið að gagnaöflun fór fram rétt áður en heimsfaraldurinn skall á af fullum þunga. Í þeim gögnum sem safnað var kom fram að helst vantaði fólk í iðn- og tæknistörf og ekki virtist sérlega mikil eftirspurn eftir háskólamenntuðu fólki. Í því sambandi var helst nefnt að það vantaði fólk í félags- eða heilbrigðisgreinum.
Ítarleg umfjöllun um helstu niðurstöður rannsóknarinnar er aðgengileg á vefnum okkar.
NánarFrá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn