Sigríður Lára til Austurbrúar
Sigríður Lára Sigurjónsdóttir er nýr starfsmaður hjá Austurbrú. Hún mun fyrst og fremst sinna fræðslumálum og starfa á Egilsstöðum.
Sigríður Lára Sigurjónsdóttir er nýr starfsmaður hjá Austurbrú. Hún mun fyrst og fremst sinna fræðslumálum og starfa á Egilsstöðum.
Sigríður – oftast kölluð Sigga Lára – er bókmenntafræðingur að mennt, auk þess sem hún er menntuð í hagnýtri ritstjórn og útgáfu. Hún hefur á síðustu árum rekið bókaforlagið Bókstaf á Egilsstöðum sem vakið hefur athygli um land allt fyrir fjölbreytt útgáfustarf.
Hún er fædd og uppalin á Egilsstöðum en fór í burtu til háskólanáms árið 1993. Hún hefur búið á Akureyri, Reykjavík og um skamman tíma erlendis en flutti austur á Egilsstaði 2012 til að taka við tímabundinni stöðu verkefnastjóra sviðslista hjá Fljótsdalshéraði.
Við bjóðum Siggu Láru velkomna til Austurbrúar!
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
