Spennandi vefnámskeið
Austurbrú mun á næstu vikum bjóða upp á fjölbreytt vefnámskeið til að koma til móts við breytta tíma í samfélaginu okkar.
Næstu námskeið
Forræktun mat- og kryddjurta
Fimmtud. 30. apríl kl. 17:00-18:30.
Á námskeiðinu verður farið yfir ræktun og umönnun krydd- og matjurta, upplýsingar um val á fræi og sáningu og hvernig hægt er að fjölga kryddjurtum með græðlingum.
Kennari: Auður I. Ottesen, garðyrkjufræðingur og ritstj. Sumarhússins og garðsins.
Gítarnámskeið
Sex 30 mínútna tímar.
Gítarnámskeið heima í stofu. Námið tekur mið af þörfum og áhuga þátttakenda. Tímasetning er ákveðin í samráði við kennara sem getur aðstoðað þátttakendur við kaup á gítar ef þarf. Kennari: Jón Hilmar Kárason, tónlistarmaður og -kennari.
Lifðu betur
Mánud. 27. apríl kl. 16:00.
Þátttakendur læra nýjar leiðir til að eiga við erfiðar hugsanir og tilfinningar, forgangsraða í lífi sínu. Þátttakendur fá aðgang að vefsíðunni lifdubetur.is í tíu vikur, geta tileinkað sér námsefnið á sínum hraða og forsendum. Kennarar: Orri Smárason, sálfræðingur og Sigurður Ólafsson, ráðgjafi.
Um námskeiðin
Námskeiðin eru öllum opin. Í ljósi aðstæðna í íslensku samfélagi hefur stjórn Landsmenntar fræðslusjóðs ákveðið að bjóða einstaklingum og fyrirtækjum þann kost að sækja námskeið á netinu eða í fjarkennslu þeim að kostnaðarlausu. Þetta þýðir að fram til 31. ágúst n.k. getur það launafólk sem á aðild að fræðslusjóðunum Landsmennt, Sveitamennt og Starfsmennt í gegnum Afl starfsgreinafélag sótt fjarkennd námskeið sér að kostnaðarlausu. Einnig hafa reglur varðandi námskeið sem ekki eru fjarkennd verið rýmkaðar og gildir það líka til 31. ágúst.
Hver einstaklingur getur þá
- Tekið allt að 10 stök örnámskeið (1-2 klst) á þessu tímabili.
- Tekið 5 lengri námskeið (lengur en 2 klst) á þessu tímabili.
Fleiri vefnámskeið eru fyrirhuguð og eru allar ábendingar vel þegnar.
Nánari upplýsingar veitir:
Þorbjörg Ólöf Jónsdóttir
Neskaupstaður / Reyðarfjörður
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
