Á dögunum luku tólf nemendur námsleiðinni „Fagnámskeið leikskóla“ eftir þriggja anna nám. Námið fór fram á Reyðarfirði en nemendur úr öðrum þéttbýliskjörnum sveitarfélagsins gátu tekið það með hjálp Skype. 

Þann 22. nóvember síðastliðinn luku tólf vaskar konur námsleiðinni „Fagnámskeið leikskóla“ sem er námsleið hjá Fræðslumiðstöð atvinnulífsins. Þær starfa allar hjá Fjarðabyggð og luku náminu með kennslustund um hreyfiþjálfun barna undir handleiðslu Hrannar Grímsdóttur sem starfar sem náms- og starfsráðgjafi hjá Austurbrú. 

Fjarðabyggð hefur gefið nemendum kost á að sækja nám á vinnutíma en starfsmennirnir tólf starfa í fimm skólum og á tveimur skólastigum innan sveitarfélagsins. Tímarnir hafa flestir farið fram á Reyðarfirði en starfsmenn sem búa og starfa í öðrum þéttbýliskjörnum sveitarfélagsins hafa haft tök á að taka þátt í gegnum Skype og hefur reynst vel.