Nýr þáttur á AUSTURLAND HLAÐVARP
Hlaðvarpsþáttur um byggðaverkefnið Sterkur Stöðvarfjörður á hlaðvarpsrás Austurbrúar en þetta er þriðja verkefni Brothættra byggða sem farið er af stað með á Austurlandi.
Hlusta á þátt
Sterkur Stöðvarfjörður – hlaðvarp
Stöðvarfjörður hefur alla burði til að eflast sem ferðamannastaður og menningar- og nýsköpunarbær. Hægt er að styrkja byggðina með því að nýta tækifæri á sem flestum sviðum og byggja á því sem þegar er til staðar. Leggja ætti áherslu á góða aðstöðu til útivistar og fjölskyldusamveru og mikilvægt er að auka framboð á íbúðarhúsnæði.
Þetta voru meginskilaboð íbúaþings sem haldið var á Stöðvarfirði, helgina 5. – 6. mars 2022. Með því hófst þátttaka Stöðvarfjarðar í verkefninu „Brothættar byggðir“ og er þetta þrettánda byggðarlagið þar sem unnið er eftir þessu verklagi Byggðastofnunar. Þá er þetta þriðja verkefni Brothættra byggða sem farið er af stað með á Austurlandi en áður hafa Breiðdalsvík og Borgarfjörður eystri tekið þátt.
Í þættinum er rætt við Valborgu Warén, verkefnastjóra Sterks Stöðvarfjarðar, og Stöðfirðingana Erlu Jónu Steingrímsdóttur, Bryngeir Ágúst Margeirsson og Bjarna Stefán Vilhjálmsson.
Spjallað um þróun
Á hlaðvarpsrásinni okkar – AUSTURLAND HLAÐVARP – má hlýða á þætti þar sem fjallað er um ýmis verkefni sem Austurbrú ýmist stýrir eða tengist með einhverjum hætti. Rætt er við verkefnastjórana okkar eða fólk úr samfélaginu sem vinnur að ýmis konar framþróunarverkefnum í landshlutanum.
Hlusta
Nánari upplýsingar
Jón Knútur Ásmundsson
Reyðarfjörður
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
