Ekki missa af málstofu um ferðaþjónustu á Austurlandi sem haldin verður á miðvikudaginn næsta í Végarði, Fljótsdal, frá 9:30 til 17:00. Lokadagur skráningar er í dag, mánudaginn 21. nóvember. Skráðu þig, mættu og vertu margs fróðari um stöðu ferðaþjónustunnar og horfur næstu árin.

Meðal þeirra sem halda erindi verður Sævar Kristinsson hjá KPMG sem fjalla mun um framtíð ferðaþjónustu á Íslandi en auk hans verða erindi sem snúa m.a. að könnun sem Markaðsstofur landshlutanna gerðu í samstarfi við Deloitte í sumar. Einnig mun Svava Ólafsdóttir frá Startup Tourism verða með innlegg um viðskiptahraðal fyrir ferðaþjónustuna og við fáum innsýn inn í vöruþróun hjá Ambassador á Akureyri auk innleggs um verkefnið Áfangastaðurinn Austurland. Að auki er gert ráð fyrir að ýmsir sérfræðingar sem ferðaþjónustan og aðrir fá upplýsingar og stuðning frá verði á staðnum til ráðgjafar á milli 15-17.

Meðfylgjandi er auglýsingin fyrir málstofuna og við hvetjum ykkur öll til að mæta og taka þátt í þeim umræðum sem þarna verða. Þá þætti okkur gaman ef þið bentuð öðrum, sérstaklega þeim sem þið telduð að hefðu gagn og gaman af þessum umræðum (s.s. starfsmenn sveitarfélaga, pólitískir fulltrúar og ferðaþjónustufyrirtæki). Skráning á málstofuna er á [email protected] og lokadagur skráningar er í dag.