Tvö austfirsk verkefni hljóta stóra styrki
Af 28 verkefnum sem hlutu styrk úr Framkvæmdasjóði ferðamannastaða 2023 fengu austfirsk verkefni tvo stærstu styrkina. Framkvæmdasjóðurinn fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila. Heimilt er að fjármagna framkvæmdir sem snúa að öryggi ferðamanna, náttúruvernd og uppbyggingu, viðhaldi og vernd mannvirkja.
Baugur Bjólfs - útsýnispallur á Seyðisfirði
Baugur Bjólfs er hringlaga útsýnispallur sem situr á Bæjarbrún. Hér er einstakt útsýni yfir Seyðisfjörð —frá mynni fjarðarins, yfir bæinn, fjallahringinn og suðvestur inn í dalinn. Að ofanverðu gnæfa tindar Bjólfs yfir.
Verkefnið hlaut styrk upp á 157,6 milljónir kr.
Öryggi og náttúrvernd við Stuðlagil
Stuðlagil er fjölsóttur ferðamannastaður á Austurlandi sem sífellt fleiri heimsækja ár hvert og er auk þess á áfangastaðaáætlun svæðisins. Verkefnið bætir öryggismál við þennan afar vinsæla ferðamannastað og rímar auk vel við áherslur sjóðsins varðandi innviðauppbyggingu og náttúruvernd.
Verkefnið hlaut styrk upp á 81,7 milljónir kr.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
