Á vinnustofunni fóru bakhjarlar Eyglóar, Landsvirkjun, umverfis-, orku- og loftslagsráðuneytið og Austurbrú, yfir sína sýn á verkefnið og tilgang þess. Mótuð var stefna fyrir Eygló, markmið og gildi, gerð drög að aðgerðaráætlun og rammi fyrir það starf sem framundan er.

Þátttakendur voru, auk þeirra Guðmundar Helga og Húberts Óðins frá Eygló; Vala Valþórsdóttir frá Landsvirkjun, Erla Sigríður Gestsdóttir (í fjarveru Kjartans Ingvarssonar) frá umhverfis-, orku- og loftslagsráðuneyti, Dóra Björk Þrándardóttir frá Landsvirkjun, Freyja Dagbjartsdóttir frá Landsvirkjun og þrír fulltrúar Austurbrúar, þær Tinna K. Halldórsdóttir, Signý Ormarsdóttir og Dagmar Ýr Stefánsdóttir. Hluta vinnustofunnar sátu sveitarstjórar á Austurlandi eða fulltrúar þeirra. Þeir fóru yfir helstu verkefni og tækifæri í sínu umhverfi sem gætu tengst tilgangi og markmiðum Eyglóar.

Mynd: Blíðskaparveður hefur verið á Austurlandi síðustu vikur og fór hluti vinnustofunnar fram í garðinum við skrifstofur Austurbrúar á Egilsstöðum. 
(Ásdís Helga Bjarnadóttir)