Þann 12.apríl síðastliðinn útskrifuðust 25 nemendur úr grunnnámi í stóriðju eftir þriggja anna nám. Stóriðjuskólinn er samstarfsverkefni Alcoa Fjarðaáls, Austurbrúar og Verkmenntaskóla Austurlands og hefur nú verið rekinn frá hausti 2011 og hafa samtals 125 nemendur lokið grunnámi. Kennt er eftir námsskránni Nám í stóriðju frá Fræðslumiðstöð atvinnulífsins.

Á síðustu önn námsins vinna nemendur saman í hópum að lokaverkefnum sem öll byggja á tillögum að úrbótum ýmiskonar. Líkt og undanfarin ár kynntu nemendur lokaverkefni sín í útskrifarathöfninni fyrir samnemendum, samstarfsmönnum, yfirmönnum og öðrum áhugasömum.

Verkefnin voru eftirfarandi:

• Betri loftgæði í steypuskála: Ester Tómasdóttir, Jenný Heimisóttir, Guðmundur H. Gústavsson, Óttar K. Runólfsson og Birgir Guðmundsson
• Gæði skautskipta: Fjóla Björg Sigurðardóttir, Guðmundur Georg Kemp og Marcin Lukasz Pabisiak
• Hávaðamengun á ofnasvæði skautsmiðju: Asarawut Treechinapong, Hrafnhildur Eiríksdóttir, Jón Baldvinsson og Kolbrún Linda Snorradóttir
• Innleiðing á nýju úttektarkerfi: Ársæll Örn Heiðberg, Roman Svec, Sigurður Kristjánsson og Stefán Arason
• Kerlokabreyting: Baldur Reginn Jóhannsson, Einar Hreggviður Sigtryggsson og Hafrún Sól Valsdóttir 
• Rofar í stað lykla á lyfturum (og öðrum farartækjum): Elis Pétursson og Lilja Sigurðardóttir   
• Mönnun á vaktir: Matthías Tim Sigurðarson Rühl, Betúel Ingólfsson, Roman Rymon-Lipinski og Kristján Sigtryggsson

Eins og listinn hér að ofan gefur til kynna voru verkefnin afar fjölbreytt en að baki þeim liggur mikil vinna nemenda. Stjórnendur Fjarðaáls eru ánægðir með verkefni ársins og hyggjast vinna hugmyndirnar áfram, það verður afar skemmtilegt að fá að fylgjast með því.

Við hjá Austurbrú óskum nemendum innilega til hamingju með áfangann og hlökkum til að taka á móti þeim sem flestum í haust þegar hópurinn hefur skólagöngu í framhaldsnámi Stóriðjuskólans.