Austurbrú með stuðningi Byggðastofnunar, auglýsir eftir verkefnisstjóra í verkefnið „Brothættar byggðir á Austurlandi“ en í því felst að fylgja eftir ákvörðunum verkefnisstjórnar til eflingar byggðar og mannlífs í þeim byggðalögunum sem falla undir verkefnið sem í dag eru Breiðdalshreppur og Borgarfjörður eystri.

 Verkefnisstjóri í verkefnið:

„Brothættar byggðir á Austurlandi“

– samstarfsverkefni Byggðastofnunar, Austurbrúar, SSA og viðkomandi byggðalaga.

 Hæfniskröfur:

– Almenn menntun, sem nýtist í verkefninu. Háskólamenntun er kostur.

– Haldbær starfsreynsla og reynsla af verkefnastjórnun.

– Þekking á staðháttum á Austurlandi.

– Góð almenn rit- og tölvufærni.

– Þekking, skilningur og reynsla af byggðamálum mikilvæg.

– Frumkvæði, jákvæðni, samstarfsfærni og sjálfstæð vinnubrögð eru mikilvægir eiginleikar.

Helstu verkefni:

– Fylgja eftir ákvörðunum verkefnisstjórna.

– Hafa frumkvæði að nýjum verkefnum í byggðunum.

– Upplýsingamiðlun og skýrslugerð til íbúa og samstarfaðila.

– Íbúafundir og þátttaka í samfélagsverkefnum í sveitarfélaginu.

Viðkomandi þarf að geta hafið störf sem fyrst á árinu 2018 og aðsetur verkefnisstjóra verður á Borgarfirði eystri. Upplýsingar um verkefnið er að finna á heimasíðu Byggðastofnunar (www.byggdastofnun.is).

Nánari upplýsingar veitir: Jóna Árný Þórðardóttir ([email protected])

Umsóknir ásamt ferilskrá skal senda á netfangið : [email protected] merkt: Brothættar byggðir. Umsóknarfrestur er til 22. janúar 2018.