Samstarfið felst í að móta og samræma kennsluefni innan ramma CEFR – Evrópska tungumálarammans, en þetta var í annað skipti af þremur sem hópurinn hittist. Gert er ráð fyrir að ljúka verkefninu í Danmörku í júní 2023 og þá á að liggja fyrir samræmt námsyfirlit og kennslufyrirkomulag á þrepum A1 og A2 í íslensku fyrir útlendinga. Berglind Einarsdóttir, verkefnastjóri hjá Austurbrú, sótti vinnustofuna og segir þetta afar áhugavert þróunarstarf. „Við höfum að leiðarljósi samfélagslega nálgun, fjölbreyttar kennsluaðferðir og skýra framsetningu á námsefninu en það er okkar trú að sameiginleg sýn og stefna í íslenskukennslu styrki stoðir námsins á landsvísu,“ segir hún.