Vöruþróun og haustfögnuður ferðaþjónustu á Austurlandi
Straumhvörf er nýtt vöruþróunarverkefni í ferðaþjónustu sem nær yfir allt Norður- og Austurland og er ætlað fyrirtækjum í ferðaþjónustu og fulltrúum sveitarfélaga. Tilgangurinn er að nýta tækifæri sem felast í auknu millilandaflugi til Norður- og Austurlands og búa til nýjar vörur og vörupakka í ferðaþjónustu. Að verkefninu standa Austurbrú/SSA, Markaðsstofa Norðurlands, SSNV og SSNE.
Vinnustofan er haldin í Sláturhúsinu, Egilsstöðum þann 2. nóvember n.k. frá kl. 10:00-15:00. Þátttökugjald er 5.500kr á mann. Nauðsynlegt er að skrá sig á vinnustofuna: Skráning
Að vinnustofu lokinni verður blásið til haustfagnaðar ferðaþjónustuaðila á Austurlandi þar sem þátttakendum býðst 25% afsláttur í Vök Baths. Að baði loknu verður svo efnt til veislu á Gistihúsinu og þaðan liggur leiðin á Tehúsið þar sem skemmtidagskrá verður fram eftir kvöldi.
Dagskrá
10:00-15:00 Straumhvörf – vinnustofa í Sláturhúsinu, Egilsstöðum.
15:30-17:30 Slökun í Vök Baths.
19:00-21:00 Kvöldmatur á Gistihúsinu, Egilsstöðum.
21:00-00:00 Skemmtidagskrá og hvatningarverðlaun ferðaþjónustunnar veitt á Tehúsinu.
Nauðsynlegt er að skrá sig á haustfögnuðinn: Skráning
Gistihúsið býður þátttakendum í vinnustofu og haustfögnuði eftirfarandi verð á mat og gistingu:
Þriggja rétta kvöldverður á Gistihúsinu: 9.900 kr.
Gisting í eins manns herbergi: 17.900 kr.
Gisting í tveggja manna herbergi: 22.900 kr.
Nánari upplýsingar
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
